Bio :-D

انا .. واعوذ بالله من كلمه انا :- :-D
عبدالله لطفي القبلاوي
بني ادم مصري كان في فترة من الفترات بيحب بلده.. بس هي كرهته فيها :-/
طالب بكليه الهندسة
""دخلتها بعد تعب 6سنين :-( وبهدلة في سجون ومظاهرات عشان بس أيتعلم مش عشان حاجه تانيه .
اتخرجت من ثانويه عامه 2011 بمجموع 80% ودخلت معهد فني صناعي علشان ادخل منه هندسة لاني ما اقدرش ادخل خاص
ولما دخلت لقيت الدنيا عكس التوقعات تماما
كورسات وفلوس و رشاوي ، يا كده يا مفيش هندسة ... وكان لازم أجمع علي الأقل 3000 جنيه في السنة فقط للحاجات دي
اتظبط سنتين في السليم والحمد لله عديدت منه بمجموع كويس يدخلني الكلية 92.5% وقدمت في التنسيق .. انتظرت النتيجه وظهرت النتيجه "كليه التربية جامعه حلوان" احييييه أذاي ؟!!
رفعوا التنسيق 4.5%مره واحده .. والحد الادني للهندسة 92.8% :-(
قررنا نعمل مظاهرات امام وزاره التعليم العالي وكنا كتير أول يوم والأمن كان متابعنا أول بأول .. وتاني يوم في نص النهار كده كان العدد بيزيد لكن الساعه 2 بالظبط قامت الشرطه بالفض و قفشوا 14 من بينهم أنا وصاحبي وخريجي هندسة اتاخد كده معانا وخلاص ... وروحنا السجن اتظبطنا نعم التظبيط من الداخلية خصوصا كان وقتها وضع طوارئ وكده ومش عاوز احكي علي اللي حصل في السجن لاني مش هخلص :-D
قضينا 3 أيام من القسم للنيابة 4مرات والمره الخامسة للمحكمة اللي بعد مرافعات 16 محامي قضت بالخروج بكفاله ماليه 3000 لكل واحد يعني 3000*14=؟؟؟ :-D
والحمد لله خرجنا ...وطبعا مش عاوز اقولكم ع النفسية اللي كنت فيها بعد ما خرجت والدمار اللي كنت حاسس بيه ... وبعد فتره مش قصيرة قررت تاني اني ارجع لحياتي واثابر علي حلمي وقررت أعمل المعادلة ...  وبدأت فيها بدري وكان زي تحدي مع نفسي .. بعيد عن البيت تماما من مصاريف وكله .. واشتغلت ودرست مع الشغل لأول مرة في حياتي ولله الحمد من كتر خوفي من أي ظروف ممكن تضيع اللي أنا باعمله فوجئت بدرجتي ولقيت ترتيب الأول علي مستوي الجمهورية في مسابقة المعادلة :-\
دا مش هيفرقني عن غيري بشئ بس كانت دفعة كبيره ليا وتأكيد علي عبارة .. "اتعب تلاقي" ..
والحمد لله
دخلت هندسة
اينعم هي ف جامعة كفر الشيخ لكن مش مهم ان شاء الله تعدي السنه دي ع خير واحول لجامعة اخد منها شهادة كويسه .. ع الأقل تساوي تعبي
زي اسكندرية أو عين شمس أو القاهرة .. برغم صعوبة الدراسة فيهم لكن الشهادة منهم لها احترامها في أي وقت تفكر تشتغل بيها"" دا بالنسبه للحياة العلميه اللي أتمني انها ما تنتهيش طول فتره حياتي ..
اجتماعيا :-
بحب التعامل مع الناس جدا ومعرفة اشخاص جديدة ومناسبة لشخصيتي علي الأقل .

رياضيا:- بشجع النادي الأهلي و بحب برشلونة وبكره الصبر اللي في مشجعي الزمالك :-D
...............
كفايه كده